Tunkar Nilaini, February 16 khan Kanhmun Biak in thar hawnna Inkhawm neih a ni a, Rev. Dr. R. Lalthanmawia Executive Secretary in Biak in hi hawngin, Pathian hnena lawmthu sawi inkhawm neih zui nghal a ni.

Biak In thar hawnna Inkhawm hi Rev. Lalhlenzova’n Bialtu Pastor, Kanhmun Pastor Bial in a kaihruai a, Tualchhung Kohhran Secretary-in Kohhran report leh Biak In sak dan report pe-in, Upa Lalsangliana’n Kohhran mipui te chu Biak In thar thu inchhang (Responsive Reading) a neihpui a, Kanhmun Kohhran Zaipawl, Tv. Zorema Khiangte leh Nl. KC Vanlalzami ten fakna hla an sa a, Biak In Hawngtu Rev. Dr. R. Lalthanmawia’n Thuchah sawiin Malsawmna-in Biak In hawn Inkhawm hi a hmawr a bawk nghal a ni.

BCM Kanhmun hi 1986-ah din a ni a, tunah hian Kohhran chhungkua 65 awmin member 276 an awm a. Kohhran Upa 7 leh Rawngbawltu 4 an awm mek a ni.