Tunkar Nilaini, January 24 khan BCM Lungpuk chuan an Kohhran kum 25 tlinna Silver Jubilee an lawm a. Headquarters atangin Communications Director Rev. Dr. Lalzarliana leh Kohhran Beng leh Baptist Today Editor Rev. Dr. F. Lalsangliana te, Pu Lalhriatpuia(Driver) leh Pu FC.Lalhualhima, Production Assitant, Lawngtlai ten hmanpui.
January 24 zing dar 10:00 Biak In kawtah Silver Jubilee hriatrengna lungphun Rev. Dr. Lalzarliana’n a hawng a ni. Biak In-ah Inkhawnna nei zuiin, Rev. Eden Remnalalduhawma, Bialtu Pastor Siaha 'W' Bial-in Inkhawm kaihruaiin Rev. Dr. Lalzarliana’n thuchah a sawi a, Fellowship hrang hang ten Pathian fakna hla an rem bawk. Inkhawm ban chawhnu lamah inpawlhona neiin, Zan lamah Pathian biak Inkhawm neih leh a ni a, Rev. Dr. F. lalsangliana’n thuchah sawiin, Siaha West Bial Zaipawl ten fakna hla an rem bawk.
BCM Lungpuk Kohhran hi kum 1999, January 24-ah din a ni a. Hetih lai hian Kohhran member 147 awmin, Kohhran Upa 5 leh Rawngbawltu 4 an nei a. Tun dinhmunah Kohhran chhungkua 43 awmin member 225 an awm mek a, Upa 5 leh Rawngbawltu 5-in an an awm a. Silver Jubilee Lungphun hawngtu Rev. Dr. Lalzarliana hi BCM Lungpuk Kohhran dintu zing a mi niin, Saiha Bial a enkawl laia he kohhran hi piang a ni.
