January 5,2024 (Zirtawpni) Thingfal khawpui chhunga Kohhran pakhat BCM Mamte ‘T’ Biakin chu Rev.Dr.Lalzarliana, Director, Communications, Literature & Printing Dept, BCM Headquarters chuan a hawng. Zaithiam Sailo Lalsangzuali, BCM Moria, Rahsiveng chuan Communications Director hi tawiawmin, Biakin hawnna Inkhawmah zaia rawngbawlna a nei bawk. Thingfal Pastor Bial hruaitute leh a chhehvela Kohhran ho bakah hmun hrang hrang atangin Biakin hawn hi an rawn chhim a. Tin, Kohhran pawl dang, UPC, Presbyterian leh Salvation Army hruaitute an lo tel bawk a, hlim takin ruai nen hun hman a ni.

Mamte ‘T’ Kohhran hi member 148 an ni a, Biak In sak nan hian cheng nuai sawmhnih panga leh singnga vel an hmang a ni. Tin, he Biakin saknaah hian hnam dang Mistiri ruai lovin, Hnatlang leh Mizo Mistiry ten hna hi an thawk a, Biak In hawngtu Rev. Dr. Lalzarliana pawh an khaw chhuak a ni bawk.