Spetember 4, 2024 (Nilaini) khan Mizoram Baptist Kohhran Revival & Evangelism Committee buatsaihin Sap Upa leh Pu Buanga Hall, Headquarters Office, Serkawn-ah BCM Recognised Team Speakers Meet neih a ni a. Resource person-ah Upa PC Lawmkunga, BCM Shalom, Missionvengthlang Bial leh Pi Lalnunzami Chawngthu, Manager Baptist Chhawmdawlna In hman an ni.
Speakers Meet hi chawhma dar 10:15-ah tannin, Rev. Vanlalmuankima, Director, pastoral Department-in a kaihruai a, General Secertary Rev. Dr. R. Lalbiakliana’n Pathian hnena inkawltirna (Hunserh) hmangin thuchah tawi a sawi hnu-ah Resource Person Upa PC Lawmkunga’n Evangelistic Team Speaker te mawhphurhna leh mamawh te’ tih thupui hmangin Paper Presentation a nei a, Paper zirho zawh hian sawihona neih zui a ni. Chawhnu lamah Ruihhlo do chungchanga Evangelistic Team te pawimawhna leh an hmalakna tur kawhhmuhna neiin Pi Lalnunzami Chawngthu-in Paper a present chu zirho a ni bawk. Paper zir zawh hian Rev. Vanlalmuankima kaihhruaiin Planary Session neih zui leh a ni a, tlai lamah chawhhlui kilhovin Meet an tin ta a ni. Tun tumah hian BCM Recognised Team 54 atangin Speaker – 43 an tel thei a, tel thei lo te hi damlohna leh harsatna lian tak avanga tel thei lo an ni.
