Mizoram Baptist Kohhran, Education Department chuan March 20-21, 2019 chhung hian BCM Recognised School Principal/Hemdmaster te kokhawmin BHSS Junior Section-ah Training buatsaih a ni a. He Training-ah hian Kohhran din English Medium School hrang hrang Principal te an kal tha hle.
Training hi Rev. R. Zohmingliana, AGS i/c Education-in hawngin Pathian hnenah a hlan a, BCM Education Department-in a enkawl school te leh recognition a pek school hrang hranga Pricipal leh aiawh lo kalte hnenah lawmthu sawiin, BCM-in Education lama a hma lak dan leh hmabak leh policy te a sawi bawk.
He Trainingah hian mi thiam hrang hrang sawm an ni a. Nimin lamah Upa H.Lalzarliana, Principal DIET-in Understanding School Leadership tih thupui hmangin Training a hawng a, Ms V, Lalliansangi, Lecturer, DIET -in Understanding Child-centered pedagogy tih hmangin zirtirna a pe bawk. Anni bakah hian Upa Lalrinmawia, BHSS Lecturer - Mizo languuage in English Medium School tih thupui hmangin zirtirna a pe a, Upa ZD Lalnunmawia, Vice Principa, BHSS Jr.Section in Plenary Session a kaihruai bawk.
[caption id="attachment_13880" align="aligncenter" width="720"]
BCM Schools Principals Training: March 20-21 Day 1[/caption]
Vawiin lamah Rev. L.Vanlalsanga, JBS Dean in BCM leh Education tih thupui hmangin Training a hawng a, Dr. Vanlalhlani Ralte, Ass.Prof.J.Buana College-in Psycology in school tih thupui hmangin a zirtirna a pe bawk, Dr. Rema Chhakchhuak-in Plenary Session kaihruaiin, Pu R. Zosangliana, Principal, BHSS-in Training kharna hun a hmang leh dawn a ni.
BCM Education Department hnuaiah hian Primary School atangin College thleng institution -4 a enkawl mek a. Heng bakah hian Pastor Bial leh Tualchhung Kohhran te, Khawtlang din English Medium School recognition a pek leh grand in aide a pek school 20 vel an awm bawk. Heng Recognised English Medium School pual hian kumtinin training hi buatsaih thin a ni. Tun tumah hian School 18 atangin School aiawh 28 vel an lo tel thei a ni.
[caption id="attachment_13918" align="aligncenter" width="720"]
BCM Schools Principals Training: March 20-21 Day 2[/caption]
