March 23, 2024 (Inrinni) khan an Kohhran Hall-ah Free Medical Camp hi an buatsaih a, an kohhran din champhaphak kum 25-na (Silver Jubilee) lawmna pakhat atana buatsaih niin, an kohhran member te bakah veng chhung mi engemawzat an inentir a ni.
Department hrang hrang Cardiology, Medicine, Obs & Gynecology (Chhulhmawr test), Mit (Eye), General Clinic, NCD Screening (Blood Sugar, BP, BMI) FNAC, Dental te an awm a. Heng bakah hian Laboratory test chi hrang hrang Malaria, ICT, Typhidot, HBsAg, HCV, VDRL, Scrub Typhus, Dengue, Blood Grouping sera te tih a ni a, a thlawna damdawi sem a ni bawk.
Silver Jubilee lawmna hi January 11, 2024 zan khan hawn a ni a, Free Medical Camp bakah hian Kohhran pum huap intihhlimna te, a thlawna thisen pek (Voluntary Blood Donation) te, thlarau lam intuaitharna Camping leh Crusade te an buatsaih dawn a, Jubilee lawmna pui ber hi August 21 & 22 a neih turin ruahman a ni.
Jubilee pual luanchhuahna tur pawh kawng hrang hrangin duan a ni a, Jubilee den chhenin Jharkhan Mission Field a thawk tur Missionary (Kohhran chawm tur) 1 (Pakhat) ala a, heng bakah hian Mission rawngbawlna lama hmasawnna tur ruahmanna hrang hrang te a siam a ni.
BCM Shalom hi August 22, 1999 ah din a ni a, a din tirh ah chhungkua 52 awmin member 252 an ni a, kumin 2024 ah hian chhungkua 230 vel niin member 1200 vel an awm mek a ni.
