January 7, 2019 (Thawhtanni) khan Mizoram Baptist Kohhrana thawktute chuan Office hawng-in hna an tan leh ta. BCM thawktu hmun hrang hrang Christmas leh Kumthar hmanga fehchhuak te leh mahni hmuna haw te pawh-in Office kaini hmasa ber hi ngaipawimawhin an haw kim hle. Office kai tanni-ah hian Headquarters Office bakah Executive Secretary Office, Aizawl leh Lawngtlai te leh Department hrang hrang ten an Office hi hawngin hna pangngai an chhunzawm a ni.

Tarlan tawh ang khan Thawktute Inhlanthar Ni  atan a lo ruat sa, January 8, 2019 chu MZP Total Bandh neih avangin, a tuk - January 9, 2019 chawhma dar 10:30 khan neih a ni a. Lawngtlai lamah chuan hun ruat pangngai, January 8-ah neiin harsatna awm lovin tluang takin an nei thei a. Aizawl lam chuan an la hmang ve rih lo thung. Lunglei-ah chuan chawhma dar 10:30-ah Serkawn Biak Inah neih a ni a. Thawktu 300 chuang zet an kal a ni.

Inhlantharna Inkhawm hi Rev. Lalbiaksanga Chinzah, BCM President-in a kaihruai a, Office Superintendent, Upa Biakchungnunga’n Department hminglamna a neiin, hemi zawh hian Gospel Quasquicentennial Souvenir 'Lawmna luipui' tih lehkhabu chu Rev. F. Ramdinmawia, General Secretary-in a tlangzarh a, Gospel Quasquicentennial hla inphuahsiak leh Essay inziak siak result puan nghal a niin,  bawk.

Heng thil pawimawh dang te tih zawh hian General Secretary, Rev. F. Ramdinmawia tupawimawh puan leh tul a tih ang te sawiin, Nl. F. Lawmsangzuali, BHSS Junior Section a zai a.  Rev. Dr. C. Vanlaldika, AGS i/c Mission-in thuchah tha tak a sawi zawhah Thawktute inhlanthar tawngtairual neih a ni.

[caption id="attachment_13354" align="aligncenter" width="263"] GS-in Souvenir a release[/caption]

[caption id="attachment_13353" align="aligncenter" width="269"] F. Lawmsangzuali'n Pathian fakna a hlan[/caption]

[caption id="attachment_13355" align="aligncenter" width="269"] Rev. Dr.C.Vanlaldika'n thuchah a sawi[/caption]