BCM Theiriat-ah Mission Convention neih a ni.

By Communications Dept.BCM

August 19-20, 2023 khan BCM Theiriat chuan Mission Director, Rev Lalremsiama Ralte Speakera hmangin Mission Convention an nei a. Convention Thupui ah, II Korinth 5:20 thu 'Krista aia palai kan ni' tih chu hman a ni.

Inkhawm apiangin Speaker hnen atangin Thuchah bakah Kohhran Zaipawl, BKHP Group Zaipawl leh mimal zaithiamte zaia rawngbawlna ngaihthlak thin a ni a.  Pathianni chawhnu ah, Mission puala inpawlhona neiin Speaker in  mission field hrang hrang chanchin tarlanna (mission focus) a nei a. BCM Mission kalphung inhrilh hriatna bakah zawhna leh chhanna hun te neih a ni bawk. Theiriat Tualchhung Kohhran atangin tun dinhmunah Missionary 5, Mission field a thawklai mek an awm a. Kohhran support a Missionary tirh leh tuma hma lak mek a ni bawk.

MTKP Inkhawmpui Vawi 48-na Pandal sak mek a ni

MTKP Inkhawmpui Vawi 48-na Pandal sak mek a ni

February 13-16, 2025 chhunga Lunglawn mual, Lunglei-a neih tur Mizoram Thalai Kristian Pawl (MTKP) inkhawmpui vawi 48-na atana pandal sak hnatlang an kalpui mek zel. Inkhawmpui pandal structure hi BCM Hqrs-ta, Alluminium alloy structure Rs nuai 150 man hman a ni. Structure awm sa hi an duh aia a tet deuh avangin tihzauh belh tura ruahman a niin, Inkhawmpui pandalah hian mi Sangriat Atanga mi sangkua (8000-9000) vel leng tura beisei a ni. Inkhawmpui pandal zau zawng hi a dung ft 230 leh avang ft 184 tura duan a ni. Tunah hian Pandal hi pum thawkhat tawhin, Pandal extension hi Ceilling siam tur a ruahman a ni bawk. Committee peng hrang hrangte pawn chak takin hma an la chho mek zel bawk. …

PU R. LALHLIMPUIA ROPUI TAKA THLAH LIAM A NI TA

PU R. LALHLIMPUIA ROPUI TAKA THLAH LIAM A NI TA

Pu R. Lalhlimpuia BCM Headquarters office-a UDC thawk lai chu January ni 21 2025 khan Ropui takin Serkawn Thlanualah Vuiliam a ni ta. Pu R Lalhlimpuia hi Upa Hrangkunga leh Pi Zatluangi Hrahsel te fa 8 zinga a naupangber niin 1972 May 29 khan Pangzawl khuaa sawikhawm laiin Lungmawi khaw awm khawmna, Keithah vengah a lo pianga. 1995 khan BCM Headquartes office Serkawnah Peon hna a thawk tana, hnathawk chunga College kalin, BA a zawh hnu July nikhat kum 2000 khan ( 1.7.2000) LDC-ah dah a ni ta a ni. Hna thawk chung bawkin Industries Department Lunglei hnuaiah Computer ‘O’ level a zo leh a, BCM in Computer kan hman tan lai vela hetiang lam thiamna nei hmasa a lo ni bawk a, Office a thawhpuite tan a tangkai em em a, a tulna in a nawr nen, Computer zirna ‘ A hand book of MICROSOFT WORD ( Ms Word User Guide book)’ tih chu a tichhuak a, mi tam …

B.C.M. TLANGNUAM A DING TA

B.C.M. TLANGNUAM A DING TA

Vawiin ni 18.jan.2025 Inrinni hian B.C.M. Tlangnuam, Lunglawn chu hawn a ni ta. Hemi rual vek hian BIAK In thar pawh hawn nghal a ni. A hawngtu Rev.Dr.R.Lalbiakliana General Secretary BCM a ni. A hawnnaah hian Lunglei khawpui chhunga Bialtu Pastor zawng zawng leh Pro Pastor zawng zawng te sawm an ni a. ABC puipa leh Bial puipa leh Bial chhunga Kohhran zawng zawng te telpui tura sawm vek an ni a, mi thahnem takten min rawn telpui thei bawk a ni. Sawi hmaih hauh loh tur zingah Lunglawn lo Bialtu Pastor te leh Pro Pastor lo ni tawhte sawm vek an ni a, Rawngbawlna sang zawk chelh ta, Rev.Lalhmingchhuanga Jongte nupui fanaute pawh sawm tel an ni bawk. …