September 30, 2022 (Zirtawpni) khan Baptist Church Trust Association (BCTA) Annual  Meeting, New Delhi-ah neih a ni a. He pawl-ah hian BCM chu member a nih angin General Secretary, Rev. R. Lalbiakliana leh Rev. K. Vanlalmuana, Field Director, North India Mission te an tel.

Meeting hi William Carey Hall of Celebration, Raj Niwas Marg, New Delhi-ah neih a ni a. Tun tumah hian BCTA sum leh bungrua te endikna (Audited report) te thlirin an pawm a, kum 5 atan Statutory Auditors tur te ruatin, Sum leh Property dinhmun report te thlirin an pawm a ni.

Baptist Church Trust Association hi India rama Baptist Missionary Society ten rawng an bawl tantirh atanga an ram leh In te, an bungrua te enkawla vawn him a nih theih nana din a ni a. He Pawlah hian BMS leh India rama BMS fa hrin Kohhran Pawl te chu memberah hian an tel a. BCM pawh hun rei tak atangin member niin meeting-ah hian a tel thin a ni.