April 26, 2024 (Zirtawpni) khan Baptist English School, Serkawn-a Zirtirtute chuan ni khat awh intuaitharna (Refresher Course Training) an nei a. Chawhma dar 10:00 ah hun khatna tan in Principal Pi C. Lalawmpuii’n a kaihruai a, Lalrinawma Pautu in Pathian hnena inkawltirna hun serh a hman zawhah  – Pi Lalrinpuii leh Pi Lalramhluni ten zirtirna neiin, Pi Lalrinpuii hian Primary leh Middle Section-a zirtirtute pualin hun a hmang a, Pi Lalramhluni’n KG leh Nursery Section te pualin zirtirna a nei.

Chawhnu lamah BCM Hall-ah hun hmangin, Pi H. Ramdinthangi, Vice Principal-in programme kaihruaiin Rev. L. Vanlalsanga, Director, Eduction Department-in Pathian hnena inkawltirna leh thu sawina hun hmangin Rev. R. Lalnunzira, AGS – Service-in thawktu te fuihna hun a hmang. Baptist English School, Serkawn ah hian Nursery atanga Class VIII thleng zirna awmin, Zirtirtu leh thawktu dang mi 64 an thawk mek a. Zirlai 1200 vel an awm mek a ni.