Baptist Higher Secondary School, Serkawn chuan September 23, 2024 atang khan School Annual Sports an nei a. Thawhtanni khan Lena Studium, Serkawn Melte-ah Opening Ceremony neiin, khuallianah Pu V.Malsawmtluanga, Vice Chairman, HPC, Lunglei an hmang. Zirlai te hi House-ah inthenin Sports Discipline hrang hrang bakah Solo, Beat Conterst, Girls Band leh Cultural Item hmanga Inelna te neih a ni. Vawiin, September 27, 2024 (Zirtawpni) chawhnu hian Sports kharna Inkhawm neiin, Inelna hrang hrang a thi tha te hnenah lawmman sem a ni ang.
BHSS hian kum tinin School Annual Sports hi an nei thin a, Infiamna leh intihsiakna hrang hrang te neiin, Indoor leh Outdoor Item te siam a ni thin. zirlaite leh zirtirtute inpawhna tha a nih bakah naupang te talent tam tak an hai chhuak thin a ni. Tun dinhmunah BHSS-ah hian pawl 9 atanga pawl 12 thleng zirna awmin, Higher Secondary ah hian Arts, Science leh Commerce subject te hawn a ni a, zirlai 950 an nei mek a, Zirtirtu 59 leh thawktu dang 17, an vaiin thawktu 76 an awm mek a ni.
