Baptist Higher Secondary School chuan  Tucker Hall-ah HSLC result chhuaka  zirlai tithate pualin Felicitation Programme an hmang. Upa C. Lalhmingmuana Principal in a kai hruai a, Pathian hnenah in kawltirna a neih hnuin Vice Principal Upa R. Vanlalthiana’n thutawi a sawi. Rebeck C. Laldingngheti Slass - X leh Pu Lawmkima Colney te hnen atangin zaimawi tak ngaihthlak a ni bawk. 

Education  Director  Rev. RC Lalthanzama’n thusawina leh thilpek hlanna a nei. hlawhtlinna chang zawng zawngte hnenah lawmthu sawina leh hlawhtlinna chang zo ve talo te pawh theih tawp chhuah chhunzawma hmalam pan zel turin a fuih.

BCM hnuaia School leh College atanga Top Ten alang te hnenah BCM Education Department chuan Laptop a pek thin angin, vawiinah he school a tanga dawng thei H. Remsangliana kan nei hi a lawmawm hle  a ni a ti bawk.

Heng bakah hian Staff welfare atangin thilpek hlanna neih ani a, H. Remsangliana chuan hetiang din hmun a thlen theih nana damna leh hriselna petu Pathian hnenah lawmthu sawiin, a zirna kawnga theih tawp chhuahpuitu zirtirtute leh a nu leh ka pa te vanga he hlawhtlinna chang thei hi a nih thu a sawi a. A bik takin nunawmzia, nundan leh nunphung hre tura theih tawp chhuahpuitu Principal leh Staff te zawng zawng hnenah lawmthu a sawi bawk. Upa C. Lalhmingmuana’n he felicitation programme hi tawngtainain a tin  a  ni.

Mizoram Board of School Education, HSLC Exam 2025 result a chhuakah BHSS Serkawn atang hian Exam 117 atangin 113 an pass a, H. Remsangliana, Pu H. Lalmuankima fapa, Theiriat chu a pumpuiah parukna (6th Position) a ni. Distinction-ah 15, 1st Division-ah 45, 2nd Division-ah 42, 3rd Division-ah 11 te an pass a ni.

BHSS result (pass percentage) hi 96.58% niin, Letter 33 in an hmu a ni.