October 27, 2023 (Zirtawpni) chawhnu dar 1:30 khan Baptist Higher Secondary School, Serkawn chuan Tucker Hall-ah Zirlaite Ni an hmang a. Zirtirtute leh Thawktu ten Zirlaite pualin hun hlimawm tak an hmanpui a ni.

Zirlaite Ni programme hi Miss Lalmuanpuii Ralte leh  Sir V.L. Hluzuala ten kaihruaiin, Upa R. Lalneihthanga’n Pathian hnena inkawltirna hun serh a hmang a. Zirtirtuten Special Item hrang hrang neiin an entir a. Solo-Miss R. Lalthansangi leh Male Voice ten zaiin zirlai naupangte an awi a.  Upa C. Lalhmingmuana’n  changvawn sawiin, Pu R. Zosangliana, Principal hnen atangin zirlaite fuihna thuchah ngaihthlak a ni bawk. Upa R. Vanlalthiana, Vice Principal-in Zirlaite tawngtaisakna leh lawmthusawina neiin Zirlaite puala hun hman chu an tin ta a ni.

Baptist Higher Secondary School, Serkawn hi kum 1961-ah Kristian High School tiin din a ni a. Class IX-XII thleng zirna awmin tun dinhmunah zirlai 901 leh thawktu 77 an awm mek a ni.