August 6-8, 2025 (Nilaini aţanga Zirtawpni) chhung khan Baptist Higher Secondary School Serkawn te chuan BCM Biak In serkawn-ah Gospel meeting an nei.  Rbt. Stephen Lalruatfela ( Krista thawhpuitu Team) chu speaker atan hman niin, Speaker hian ‘Nun mamawh chhanna leh In peih thuai rawh’ tih thupui hmangin thuchah a sawi.

BHSS hian a din tirh aţangin harsatna lian tak a awm a nih loh chuan kum tinin Thlarau lam intuaitharna programme 'Gospel Meeting’ hi Second Term ţan tirah hian an nei ţhin a. Gospel Meeting aţanga piantharna chang zingah hian Kohhran kut ke leh Missionary pawimawh tak tak te, Pastor te leh Evangelist lar tak tak an lo chhuak tawh ţhin a ni.

Tun dinhmun-ah BHSS-ah hian pawl 9 aţanga pawl 12 thleng zirna awmin, Higher Secondary-ah hian Arts, Science leh Commerce subject te hawn a ni a, school pumpuiah hian zirlai naupang 1000 zet awmin, Zirtirtu bakah thawktu dang te nen mi 70 chuang an bung mek a ni.