#Cherhlun Pastor Bial ‘Naupangte leh tunlai khawvel’ tih thupui hmangin BCM Biak In, Cherhlun ah Inkhawmpui an nei a. Speaker-ah Pu. H. Muansangpuia, KNP Trainer (BCM Shalom, Aizawl) hmangin, Speaker hi Tv. HC. Lalchhuanmawia, BCM New Salem, Chawngte ‘P’ in a ṭawiawm.  Thuchah bak ah KNP Unit hrang hrang atangin mal zai te, group zai te, chang vawn sawi leh zaipawl zai te unit tin aṭanga ngaihthlak thin a ni a, BCM Thurin hla chu KNP Unit tin te sak tur atana thlan a ni bawk.

#Siaha West Pastor Bial chuan KNP day thupui - 'Naupangte chhandamna hriltu an ni thei'  tih thupuia hmangin BCM Biak In, Meisatla, Siaha-ah Inkhawmpui Vawi 7-na an nei a, Speaker-ah Pro. Pastor Johan Lalanpuia Pachuau an hmang a, Inrinni chawhma lamah thu leh hla hmanga inelna neih a ni a, chawhnu lamah pawnlam infiamna (outdoor games) hmanga intihhlimna neih a ni a, tlai lamah adawltu kohhran ten chawhlui an buatsaih kilho a ni.

#Hmawngbu Pastor Bial Nl. K. Lalramthianghlimi, KNP Promoter Speaker-a hmangin BCM Biak In, Ebenezer Hmawngbu-ah KNP Inkhwmpui an nei a. Zirtawp zan atangin Inkhawmpui hi hmang tanin Pathianni zan thleng hman a ni. Inkhawmpui chhung hian Pathian Biak Inkhawm bakah intihsiakna hrang hrang – Zaipawl, Worship Dance, Quiz leh pawnlam infiamna hmang te-in neih thin a ni a. Inkhawm apiangin  Unit hrang hrang zaipawl leh Item hrang hrang ngaihthlak leh thlirho tur a awm a ni. Speaker hi Nl. Vanlalfakpuii, Salem, Lungleiin tawiawmin zaia rawngbawlna a nei thin bawk.

#Chawngte L Pastor Bial BCM Zion, Chawngte-ah Inkhawmpui vawi khatna an nei a. Speaker-ah Rbt K. Lalhriatpuia, KNP Trainer an hmang a, Speaker hi Tv. Peter Ramdinzauva, BCM Salem, Lungleiin zaia rawngbawlin a tawimawm. Inrinni zan, Pathianni zing leh Pathianni zanah te Inkhawm-in Speaker thucuah bakah KNP Unit hrang hrang ten chanvo an nei a. Pathianni chawhnu-ah Unit intihsiakna hrang hrang – Zaipawl – Solfa leh Lengkhawm zai te, Solo mipa leh Hmeichhia bakah Action Recitation leh Bible changvawn hmang te-in intihsiakna neih a ni.

#Phuaibuang Pastor bial BCM Biak In North East Tlangnuam ah KNP Inkhawmpui vawi 31-na an nei a, Pi Ammie Lalnunpuii, KNP Trainer speaker-ah hmangin, Inrinni chawhmaah BCM Thurin leh Bible chang in sawi siak hmangin inelna an nei a, chawhnu lamah KNP hruaitute training speaker-in neih puiin, Inrinni zan, Pathianni zing leh Pathianni zanah te Inkhawmin, Pathianni chawhnuah fellowship neih a ni bawk.

Buarpui South Bial-ah KNP Hruaitu te pualin Leadership Training neih a ni.

April 22, (Inrinni) khan Buarpui South Pastor Bial KNP Hruaitu te chuan BCM Biak In, Immanuel, Buarpui South-ah Leadership training an nei a. Tv. Liandingpuia KNP Trainer chu Resource Person-ah hmangin nilengin Training hi an nei a, Bial chhung KNP hruatute mi 13 an kal thei a ni. Inrinni zan, Pathian Ni zing leh Pathianni zan inkhawmah te KNP pual-in hun hman chhunzawm a ni a. Tv. Liandingpuia hi Speaker-ah hmangin  thuchah a sawi thin a. Pathian Ni Chawhnuah hian Fellowship neih a ni bawk.