December 1, 2024 hi khawvel pum huapa Kristiante Ni Pawimawh “Bible Sunday” a ni a, Mizoram Baptist Kohhran pawhin he Ni hi urhsun takin a hmang thin a,  Tualchhung Kohhran tinah Bible Society rawngbawlna lam thuchah leh campaign nan hmangin, Bible Society hmunpui atanga chhiar thuchah chhiar tura buatsaih te chhiarin hun hman thin a ni.  

Tualchhung Kohhrqn tinah Bible Society lam atanag thuchah chhiar tura buatsaih leh Bible society rawngbawlna report te ngaithlain, Bible society rawngbawlnaa tel te hnenah Certificate hrangbhrang te sem a ni a,    Bible society rawnbawlna lama infuihtharna thuchah ngaihtglak a ni bawk.

December 1, 2024 hi Mizoram Baptist Kohhran  chuan Sunday School kum tawp exam Ni atan a ruat angin Tualchhung Kohhran tinah Pathiqnni zing inkhawm bana khan Sunday School exam hi an nei.

Sunday School kum tawp exam zawhnate hi Cheistiqn Education Dept. Headquarters atanga siam niin, Ram pumah zawhna (question) inang hmangin exam hi neih a  ni. 

Answer paper endik chu Pastor bial Sunday School Committee remruatna angin Bial emaw Tualchhung Kohhranah emaw endik tur a ni ang. 

Kum danga lo tih thin ang thovin kuminah pawh Senior ‘B’ Department leh Senior ‘A’ Department chu Pathianni hmasa khan zirlaite hnenah Question sem chhuah niin, in lamah (Zirlaibu leh Bible enin) an chhang a, Exam Ni-ah hian an chhanna a theh lut ve thung a ni.  Department dang zawng chuan Sunday School Biak In leh Hall remchangah exam hi an nei a ni.