BMP PangzawlPastor Bial chuan March 1-3, 2024 hmang khan BCM Biak In, Khawngbawk-ah Bial BMP Meet vawi 9-na an hmang a, Meet thupuiah ‘Krista aia palai’ tih thu thmangin, Speaker-ah MBMP President Rbt Chawngrolura Chawngthu an hmang a, Tv. H. Lalthanmawia, BCM Mualthuam ‘S’ in zaia rawngbawlin Meet hi a hmanpui bawk.
Zirtawp zanah Pathian Biak Inkhawm-in Meet hman tan a ni a, Speaker-in thuchah sawiin, March ni 2, Inrinni nilengin infiamna chi hrang hrang hmangin intihhlimna neih a ni a, tlailamah ruai theh nghal a ni. Inkhawm apiangin bial chhunga BMP Unit hrang hrang Zailpawl te, Tualchhung Kohhran zaipawl te, Bial BMP zaipawl leh Bial zaipawl bakah malzai te ngaihthlak thin a ni. Pathianni zan inkhawmah hian Pangzawl Pastor Bial Zaipawl Music video hmasa ber ‘Hmangaihna thu mawi ber’ tih chu Bialtu pastor Rev. PC Lalmuankima’n a tlangzarh bawk.
Pangzawl bialah hian unit 6 awmin - Khawngbawk, Ramrikawn, Khuanghlum, Keltan,Venghlun leh Pangzawl unit te awmin member hi tun dinhmunah 307 an awm mek a ni.
