February 24 leh 25 hmang khan BMP S.Vanlaiphai Pastor Bial chuan “Rorelna Dik” ( Amosa 5:24) tih thupui-a hmangin, BCM Biak In, Ebenezer, Darzo-ah Bial BMP Inkhawmpui vawi 2-na an nei a, Pu Lalnunsanga Pachuau, MBMP Treasurer chu Speaker-ah an hmang a, zaithiam pahnih Nl C. Vanlaldini leh Pu Lalvulmawia Rahsiveng ten zaia rawngbawlna nei in an tawiawm.
Inrinni nilengin Bial BMP Rorel neih a ni a, Bial BMP freorel thu passed zingah - Bial BMP Zaipawl din te, Missionary Farlough lo kal te pawisafai a tanpui thin te, S.Vanlaiphai PHC ah Poor Patient Fund pek te, Bial BMP-in Rs.8000 a Mission support te, Bial chhung a Kohhran enkawl English School pahnih te pawisa fai a tanpui te, Bible ralchhan buatsaih te leh Unit intlawhthelh neih te an remti a, Bial BMP Budget 2024-2025 atan Rs.1,85,300 an pawm bawk.
Inrinni zan, Pathianni zing leh Pathianni zanah te Pathian biak inkhawm nei in speaker hnen atangin thupui hmangin thuchah ngaihthlak thin a ni a, unit hrang hrang zaipawl , group leh mimal zaithiam te rawngbawlna ngaihthlak thin a ni bawk.
S. Vanlaiphai Pastor Bialah hian BMP Unit 6 – Ariel, Darzo, Ebenezer, Sikulveng, S. Vanlaiphai leh Vengpui Unit te an awm a, member 403 an awm mek a ni.
