October 8, 2024 khan Board of Theological Education of the Senate of Serampore College (BTESCC) buatsaihin Church Leaders Meet chu Regency Hotel, Zarkawt, Aizawlah neih a ni a, Kohhran hrang hrang panga atangin aiawh 45 an kalkhawm a, Mizoram Baptist Kohhran atangin General Secretary, Rev. Dr. R. Lalbiakliana hovin mi 14 lai an tel a ni. Senate of Serampore College atangin Rev. Dr. Limatula Longkumer, Registrar, Dr. Aswathy John Dean of SATHRI/ Research Dept. leh Rev. Dr. Rodinmawia Ralte, Dean of SCEPTRE & Secretary BTESSC te an rawn kal a ni.
He hunah hian Senate of Serampore lam atanga hotu lo kalte hian Senate of Serampore College kal zel dan tur chungchang te, Pathian thu zirna course hrang hrang leh Carriculum ennawn mek atan Kohhran te ngaihdan leh duh dan te zawtin sawihona neih a ni a. Senate of Serampore College hnuaia Affiliated Theological College hrang hranga Pathian thu kalpui dan leh zir dan ruangam siam that ngai an tih leh rawtna an neih te an sawiho bawk.
Senate of Serampore College University hnuaiah hian Theological College 70 chuang zet an awm a, Mizorama Theilogical College pali - Aizawl Theological College (ATC), Academy of Integrated Christian Studies(AICS), Missionary Training Collge, Missionveng, Aizawl leh Maraland Theological College, Siaha te pawh Senate of Serampore College University affiliated College an ni.
