Bualte leh Ṭhualṭhu khaw inkara lei min nasa tak avanga khualzin tangkhangte chhawmdawlna atan BCM chuan Charity fund aţangin khawtlang hruaitute hnenah thilpek an hlan. He chhawmdawlna pawisa hi BCM Associate Gen. Secy. (Mission), Rev. R. Lalrintluanga chuan August ni 10, 2025 Pathianni khan Bualte khawtlang tan Rs. 20,000 leh Ṭhualṭhu khawtlang tan Rs. 10,000 a hlan a. BCM hruaitute hian lei min hi a hmunah tlawhin Bualte leh Ṭhualṭhu khawtlang mipuite rawngbawlna chu fakin khualzin tangkhangte laka an chet dan chu a Pathian thu hle a ni tih sawiin BCM hruaitute pawhin an inpekna ropuizia an hriatpui tih an sawi.
