Buarpui Pastor Bial TKP ten Bial Meet an hmang.

By Communications Dept.BCM

 

September 27-29 chhung khan Buarpui South Bial TKP chuan “I nunna turin tlan chhuak rawh”. (Gen 19:17) thupuia hmangin BCM Biak In, Immanuel-ah Bial TKP Intawhkhawm (TKP Meet) leh Bial Rorel an nei a, Speakerah Upa P.C.Vanlalrova, Senior Adviser MTKP an hmang. MTKP atang hian Executive Committee member pahnih Pu Lalrammuana Sailo leh Nl Grace Lalrindiki te an kal bawk. Serchhip Pastor Bial zaipawl te’n zaia rawngbawlin Meet hi an hmanpui bawk. Inrinni zan atanga Pathianni zan thlengin zaia rawngbawlna an nei thin bawk.

 

September 28 (Inrinni) ah Biak Inah Bial TKP rorel vawi 10-na neih a ni a, Budget atan Rs 77,000 pawmin an thu rel zingah - Pastor Quarters atan Rs 5,000 dah te,  Missionary Furlough pual atan Rs 2,000 dah te, PHC Buarpui Poor Patient Fund atan Unit tin vawikhat fehchhuah neih te, Ruihhlo ngai leh hnungtawlh mekte pualin Unit tinte a rual tlangin chawnghei tawngtai vawikhat neih te, Social Media hman dan dik Unit tinah inzirtirna hun hman ni se tih te, Kum 2024-2025 chhungin Bial TKP meet neih leh Bial chhung TKP member Bible chhiar chhuakte hnenah lawmman siam ni se tih te an remti a ni.

Serampore College (University) Convocation leh Senate Meeting-ah AGS leh AICS Principal an kal.

Serampore College (University) Convocation leh Senate Meeting-ah AGS leh AICS Principal an kal.

November 20 leh 21, 2024 khan Senate of Serampore Collage (University) Board Meeting leh Senate Meeting,  cuu Baptist Theological College, T. Chikri, Pfutsero, Nagaland-ah neih a ni a. BCM atanga Board member leh Senate member Rev. R. Lalnunzira, AGS Service leh Rev. Dr. Vanlaldika, Principal, AICS te heng meeting-ah hian an tel a. November 22, 2024-ah Commemoration Service leh Convocation neih a ni a, BCM atangin Rev. Joe Laldinpuia pawhin Doctor of Theology (D.Th) degree a dawng a ni. …

Rev. Joe Laldinpuia’n Doctor of Theology Dawng

Rev. Joe Laldinpuia’n Doctor of Theology Dawng

Serampore Convocation November 22, 2024-a Baptist Theological College, Pfutsero, Nagaland-a neih ah Senate of Serampore College (University) chuan Rev. Joe Laldinpuia, Asst. Professor, AICS chu Doctor of Theology a hlan. Rev. Joe Laldinpuia'n Doctrate Degree a lakna (a doctoral dissertation title) chu “Divine Retribution in the Book of Job and its Contextual Relevance for Mizo Society” tih a ni. Rev. Dr. Joe Laldinpuia hian kum 2019-2023 chhûng khan D.Th (Old Testament) hi United Theological College, Bangalore-ah a zir a, kum 2022 khân a research tih chhunzawmin Princeton Theological Seminary (PTS), New Jersey, USA ah Doctoral Research Scholars Program (DRSP) tiin a zu awm bawk a ni. Tunah hian Thuthlung Hlui leh Hebrai tawng zirtirtu niin AICS ah an chhûngkuain an awm mêk a ni. …

Zanin atangin ABC 17-ah Inkhawmpui leh Rorel neih a ni dawn

Zanin atangin ABC 17-ah Inkhawmpui leh Rorel neih a ni dawn

Mizoram Baptist Kohhran – Area Baptist Council (ABC) Rorel leh Inkhawmpui chu November 22 - 24, 2024 chhung hian ABC 17-ah neih a ni dawn a. November 22, (Zirtawp) zan atangin Inkhawmpui hi tanin, Inrinni nilengin ABC Rorelna neih a ni ang, ABC Executive Committee thute bakah Pastor Bial  atanga Agenda lut te, ABC kal tlanga Assembly 2025-a thlen tura chhawpchhuah te ngaihtuah a ni ang. …