June 9 -11 hmang khan BKHP Buarpui 'S' Bial chuan BCM Biak In, Immanuel, Buarpui ah 'Rinawmna' tih thupui hmangin Seminar an nei a. Rbt. H. Lalkimi, Vice President, MBKHP chu speaker niin, MBKHP Executive comtt. member pahnih Pi. Zothanbuang leh Pi. R. Lalnunziri te chu Seminar Resource person-ah hman an ni.
Seminar hi BCM Biak In, Immanuel, Buarpui-ah neih a ni a. Zirtawp zan, Inrinni zan, Pathianni zing leh Pathiani zanah te Sermon Inkhawm neiin Speaker Rbt.H.Lalkimin thuchah a sawi thin a. Inkhawm apiangin Buarpui South Bial Zaipawl te, Buarpui Kohhran leh Mimal zaithiam ten zaia rawngbawlna an nei thin a ni.
Inrinni nilengin Seminar neiin, Chawhma lamah Pi R. Lawmsangi’n Seminar hun kaihruaiin Resource Person - Pi R. Lalnunzirin, MBKHP in ‘Rinawmna – Chhungkua-ah’ tih thupui hmangin zirtirna a pe a. Chawhnu lamah Pi Lalhlimpuii, Bial BKHP-in Seminar kaihruaiin Resource Person- Pi V. Zothanbuangi, MBKHP in “Rinawmna – Khawtlang leh Ramah” tih thupui hmangin zirtirna a pe bawk.
Pathianni chawhnu-ah Inpawlhona neiin hetah hian Bial chhung Unit hrang hrang report ngaihthlak a ni a, MBKHP hruaitu ten Chhawmdawlna In leh Loisi Chanchinbu report tlangpui sawiin, hma lak mekna leh hmasawn tulna te an tarlang a. Zawhna leh chhanna hun te hman a ni bawk.
