Buarpui ‘S’ bial leh Phawngpui West Pastor Bial ah te Mission Convention neiin, BCM Lamthumthumah Mission Weekend hman a ni bawk.

By Communications Dept.BCM

 

#Buarpui ‘S’ Pastor Bialah BCM Biak In, Buarpui-ah Mission Convention hi nei in, Speaker-ah Rev. Dr. R. Lalthanmawia an hmang a. Zirtawp zan, inrinni chawhma, Inrinni zan leh Pathianni zing leh Pathianni zan Inkhawmah te Speaker hnen atangin thuchah ngaihthlak thin a ni a. Inrini chawhnu-ah Mission pualin inpawlhona neih a ni a, hetah hian ramthim rawngbawlna kawnga hmalakna hrang hrang te zirho in speaker-in a kaihruai a, zawhna leh chhanna hun te neih a ni bawk. Pathianni chawhnu-ah Mission pualin Kohhran inpawlhona nei lehin sawihona leh zawhna leh chhanna hun te hman a ni.

 

#Phawngpui West pastor Bial chuan BCM Biak In, Lungtian-ah Mission Convention hi neiin, Speaker-ah Pu T. Nghaksanga, Mission Promoter an hmang a. Speaker hi Nl. Vanlalrohlui-in fakna hla saa rawngbawlin a tawiawm bawk. Zirtawp zan, Inrinni chawhma, Pathianni zing leh zan ah te Pathian biak inkhawm nei in, inrinni chawhnu leh Pathianni chawhnu-ah Mission pual inpawlhona neih a ni.

#Lamthuamthum Kohhran, Haulawng chuan Rev. Lalremsiama Ralte, Mission Director Speaker-a hmangin Mission Weekend programme an hmang a, speaker hi Nl. Lalremliani’n zaia rawngbawlin a tawiawm bawk. Zirtawp zan, Inrinni zan, Pathianni zing leh Pathianni zanah te Speaker hnen atangin thuchah bakah Kohhran zaipawl te, BKHP leh BMP zaipawl te leh mimal zaithiam te hnen atangin fakna hla ngaihthlak thin a ni a, Pathianni chawhnu ah Mission puala inpawlhona neiin, Mission rawngbawlna leh Mission Field chanchin te paper sema zirhonate neiin, zawhna leh chhanna hun te hman a ni bawk.

Beirual thu zir tur Pathian hnena hlanna neih a ni.

Beirual thu zir tur Pathian hnena hlanna neih a ni.

July 25, 2024 (Ningani) zing khan BCM Hall, Headquarters Offce, Serkawn-ah kumin 2024-a Beirual Thuzir tur ‘Ringtu Nun’ tih chu Rev. R. Lalbiakliana, General Secretary-in Pathian hnenah hlanin a tlangzarh. …

R&D-in Thli leh ruah avanga chhiat tawka tanpuina a pe

R&D-in Thli leh ruah avanga chhiat tawka tanpuina a pe

July 22-26, 2024 khan Buarpui leh Aizawl ah te tun hnaia thli leh ruah avanga chhiatna hrang hrang tuarte hnenah BCM Relief & Development Department chuan Chhawmdawlna leh tanpuina a sem a. Heng chhawmdawlna te hi R&D Department hotute -  Director Rev L.Vanlalsanga,Co-ordinator Rbt Lalrinawma leh Asst Co-ordinator Nl T. Lalfawnveli leh Pu Lalhriatpuia, Driver ten kengin Pastor Bial hrang hrangah tanpuina hi an pe a ni. …

Mission Inkhawmpui neih chhoh meka ni.

Mission Inkhawmpui neih chhoh meka ni.

Mizoram Baptist Kohran - Mission Department-in Kohhrante Mission rawngbawlnaa hma kan sawn nan leh mission rilru kan put ngheh deuh deuh theihna atan Mission Inkhawmpui buatsaih ni se ti-a ruahmanna an siam angin Lawngtlai, Lunglei eh Aizawl-ah te Pastor Bial 2/3 huapin Mission Inkhawmpui hi neih turin ruahman a ni a. A hmasa ber atan July 19-21 khan Lawngtlai khawpui chhunga Pastor Bial pathum - Lawngtlai North, Lawngtlai South leh Lawngtlai East Pastor bial te infinin BCM Biak In, Chanmari, Lawngtlaiah Mission Inkhawmpui hi tluang takin neih a ni. nkhawmpui thupui-ah Joshua 3:1 thu  ‘Ram lak tur lah chu a la tam mai si a’ tih chu hman a ni.  He Inkhawmpui-ah hian Sepaker-ah Rev. Dr. R. Lalthanmawia, AGS Mission leh Rev. Lalremsiama, Mission Director te hmangin, Resource person-ah  Pu T. Nghaksanga Mission Promoter hman a ni bawk. …