June 7-9 hmang khan BKHP Buarpui South Pastor Bial chuan ‘Siam thar lehna’ tih thupui hmangin BCM Biak in, Kawlhawk-ah Bial huap retreat an buatsaiha a. MBKHP hruaitute atangin Pi F.Lalawmpuii Assistant Secretary leh Executive Committee member te - Pi F.Lalneihpuii leh Pi HS.Lalmuankimi ten an hmanpui.
Zirtawpni zan-ah Retreat Programme hi hmang tanin pathian biak inkhawmah Pi Hs.Lalmuankimi’n thuchah a sawi a, Inrinni- nilengin Seminar neih a ni. Seminar ah hian Resource Person - Pi. F. Lalawmpui’n BKHP kalphung leh thil tul pawimawh hrang hrang te zirtir kawhhmuh a, Chawhnu lamah Chhawmdawlna In campaign leh Loisi leh Buhfaitham Campaign nan hun hmangin Pi Hs.Lalmuankimi’n Chhawmdawlna in Chungchang sawiin hmasawnna tur leh mamawh hrang hrang te a tarlang a, Pi F.Lalneihpuii’n Loisi leh Buhfaitham chungchang sawiin, report atanga hmasawnna tur kawng te kawhhmuhin zirtirna a nei bawk.
Pathianni zing Inkhawm-ah Pi F. Lalawmpuii’n ‘Siamthar lehna chang turin engte nge kan mamawh’.. tih thupui hmangin thuchah a sawi a, Chawhnu lamah Bial BKHP hruaitute kaihhruainain fellowship neih a ni a, Zan lam Inkhawm-ah Pi F. lalawmpuii hnen atangin ‘Siamthar lehna rah chhuah’ tih thupui hmangin thuchah ngaihthlak chhunzawm leh a ni bawk.
