May 27 atang khan Lunglei khawpui chhunga Kohhran ten BCM Camping Cantre – Ramzotlang, Serkawn-a buatsaih mek-ah hnatlang an thawh chhunzawm zel a. Kohhran te an phurin hnatlang an thawk tha thei hle. Tunah hian Building hlui thiat zovin mi 100 vel len theihna tur inkhawmna (chapel) te, Dining Hall leh Choka te sak tan mek a ni a, Campers te mutna tur khum engemawzat siam mek a ni bawk.  

Kar hmasa June 14 (Nilaini) khan Farm Veng leh Pukpui West Kohhran te mi 67 thawk chhuakin, June 17 (Inrinni) khan  BCM Electric leh BCM  Shalom (Lunglawn) bakah Hqrs. Office te an vaiin mi 88 an thawk chhuak a ni. Tun kar hian thatlang tum hnih neih leh niin, June 21 (Nilaini) khan BCM Galili leh BCM Bethel Venghlun atangin meember 30 an thawk chhuak a, June 24 Inrinni hian BCM Venglai (Theiriat) leh BCM Kanaan (Theiriat) ten an thawk leh dawn a ni.