March 2-5 chhung khan BCM Biak in, Phairuangkai-ah Chakma Baptist Kohhran Assembly neih a ni a. Rorel hi ni hnih chhung Zirtawp leh Inrinni ah te neiin, Rorel palai 191 an kal a, Assembly chhung hian mikhual riak lut 266 an awm. Pathianni ah Ordination Service leh Lalpa zanriah sacrament inkhawm neih a ni a, Pathianni zan inkhawm banah Assembly hi an tiak a ni. CBC Assembly ah hian BCM aiawhin Rev. Lalremsiama Ralte, Mission Director leh Upa K. Siamliana, BCM Lungsen (Mission Board Member) te an kal a. Anni bakah hian Chakma Mission Field Director Rev. Dr. C. Lalrtuatthanga pawh CBC Puipa a nih angin Rorel hi a hmanpui a, Chakma te zinga BCM Missionary engemawzat an tel bawk.

CBC Assembly rorel thu passed zing ah-

• Kum 2024 CBC Assembly February 29 – March 03 chhung in  New Khojoysury ah neih ni se tih te,
• Kum 2023 atanga Sunday school kum tawp exam neih ni se tih te;
• CBC ni pawimawh leh CBC Finance rules a bua siam ni se tih te; 
• Kum 2023-24 chhungin CBC-a Upa leh rawngbawltute nupui pualin Seminar cum retreat leh Evangelist, Native workers leh Pastor nupui te pualin retreat buatsaih te;
• Kumin atanga CBC Missionary Day Programme a rual tlanga hman theih tur siam te; tih te a tel a.

2023-2024 chhunga Sum hmanna tur Rs 85,20,000 ruahman a ni a, Rs. 45,00,000 hi Pastor Bial hrang hrang target atana sem tura ruahman a ni.

Tun ṭum Assembly ah hian Chakma Baptist Church-in Bung thar kaiin, CBC Co-ordinator hmasa ber atan Rev. A. Kandrojoy Tong chu thlan a ni a, Fellowship Organisation Committee Secretary  hmasa ber atan Rev. K. Suresh Bachand thlan a ni bawk.