Chakma Baptist Kohhran Assembly vawi 10-na in 'Chakma Baptist Kohhran Upa leh Rawngbawltute pual in Retreat leh Seminar neih ni se' ti-a a rel bawhzuiin, October 10 – 12, 2023 khan BCM Biak In, Venglai, Lungsen-ah 'Inthawina nung' (Rom 12:1-2) tih thupui hmangin Retreat leh Seminar neih a ni a.

Retreat Speaker-ah Rev. Dr. C. Lalruatthanga, Director Chakma Mission leh Executive Secretary, Chakma Baptist Church leh Seminar resorce person ah mi 4 hman an ni. He hun ah hian Kohhran Upa 52 leh Rawngbawltu 83, an vaiin 135 an tel thei a ni.

Seminar-ah hian Thupui hrang hrang zir in, Rev. Lalbiaka’n - 'Thilpek rawngbawlna' tih hmangin zirtirna a pe a, Dangu H. Lalhuliana’n – 'CBC Hmasawnna atana thil pawimawh' tih te, Rev. A. Kandrojoy Tong-in – 'Kohhran venhimna chungchang' tih leh Rev. C. Lalremmawia’n   'Upa leh Rawngbawltute hlutna leh pawimawhna' tih zirtirna te an pe bawk. Retreat leh Seminar neih chhung hian BCM Lungsen Pastor bial Zaipawl, Chakma Baptist Choir, Venglai Kohhran Zaipawl,  Lungsen Kohhran zaipawl leh Mahanaim Kohhran zaipawl ten zaia rawngbawlna an nei thin a ni. Tun tum CBC Upa leh rawngbawltu Retreat leh Seminar atana senso zawng zawng hi BCM Venglai, Lungsenin an tum vek a ni.

Chakma Baptist Church-ah hian Kohhran (Fellowshi leh House Fellowship telin) 78 a awm a, Pastor Bial 10 a awmin Kohhran Upa 99 leh Rawngbawltu 333 an awm a, Kohhran Member 6501 an awm mek a ni.