November 07, 2022 khan Chakma Bible lehlin kal mek chungchangah Baptist Church of Mizoram hruaitute leh Bible lehlin kawnga kan thawhpui te- Bibles International leh Bibles International India Society hruaitute BCM Committee room no.1-ah meeting an nei a. BCM hruitute atangin President Rev. Dr. R. Zolawma, AGS - Mission Rev. Dr. R. Lalthanmawia leh Headquarters Office-a Head of Department te leh Chakma Mission Director Rev. Dr.C.Lalruatthanga te an tel a.  Bibles International aṭangin Timothy Lee Fink, Director, Michael Dean Carlyle, Manager, Scripture Engagement leh Moirangthem Sanatomba Singh, Projects Coordinator, Asia & Pacific te telin, Bible Inter National - India Society (BIIS) aiawhin  Dr. Fame Singh, Director a tel bawk.

Meeting ah hian Chakma ṭawnga Bible lehlin mek chungchangah MOU kan neih chu ennawna sign a nih bak ah, Chak zawka hma lak dan tur te, tuna lehlinna atana script hman mek chungchangte sawi ho a ni. 

Chakma Bible (Thuthlung Thar) chu August 5,2012 khan letling zovin hman tan a ni tawh a. Thuthlung Hlui lehlin hna thawk tur hian BCM leh BIIS te chuan February 13,2014 ah project agreement an sign zui leh nghal a. Kum 12 chhunga zawh tura tih a ni a, tun dinhmun ah mi pathum Rev. Kiran Jyoti Chakma, Pu  HC Lalhmunliana leh Pu  Eliazer Vanlalhriata ten Bible lehlin hna an thawk chhunzawm mek a, Gensis atanga Ruthi thleng leh Thufingte, Samuela 1&2 (Bu 11) zo felin, Lalte 1&2,  Sam, Chronicles leh Ezra bung bu te letling mekin engemawchen an zo tawh bawk a ni.