#Chhipphir Pastor Bial chuan Rev. R. Lalnunzira, AGS-Service speaker-a hmangin July 15 leh 16 hmang khan BCM Biak In, Chhipphir-ah Mission Convention an nei a. Inrinni zan, Pathianni zing leh Pathianni zanah te Pathian Biak Inkhawm neiin, Speaker thuchah bakah Bial Zaipawl te, Bial chhung Kohhran hrang hrang atanga Zaipawl te hnen atang in fakna hla ngaihthlak thin a ni bawk. Pathianni chawhnu-ah Mission pual inpawlhona neih a ni a, Mission rawngbawlnaa hmasawnna tur kawng hrang hrang sawihona neih a ni.
Salem Kohhran, Lunglei chuan Rev. Dr. R. Lalthanmawia, AGS-Mission speaker-a hmangin July 14-16 chhung khan Mission Convention an nei a. Thupui-ah Isaia 6:9 – thu ‘Mi tir ta che” tih hman a ni. Mission Convention neih chhung hian Zirtawp zan, Inrinni zan, Pathianni zing leh Pathianni zanah te Pathian Biak Inkhawm neih thin a ni a. Speaker thuchah bakah Kohhran Zaipawl, Group zai leh mimal zaithiam te hnen atang in fakna hla ngaihthlak thin a ni. Pathianni chawhnu-ah Mission pual inpawlhona neih a ni a, Mission rawngbawlna chungchang zawhna leh chhanna hun te, Mission lam hmasawnna tur sawihona hun te hman a ni.
