March 26, 2019 (Thawhlehni) khan Lawngtlai Area ṬKP Co-ordination Committee chuan MṬKP Inkhawmpui 2016 hriatrengna atan Christian Hospital Lawngtlai-a hman tur Ambulance (Eeco van) chu BCM General Secretary Rev. F. Ramdinmawia hnenah an hlan.

MṬKP Inkhawmpui 2016 Lawngtlai-neih sum hman banga aṭanga lei Ambulance hlan programme hi Christian Hospital Lawngtlai Complex-ah hman niin Pu Rohimliana, MṬKP Executive Committee member-in a kaihruai a. He Programme hmang tur hian BCM Headquarters aṭangin General Secretary Rev. F. Ramdinmawia, AGS i/c Mission Rev. Dr. C. Vanlaldika, Medical Superintendent Upa Dr. B. Laldinliana te bakah thawktu dangte an tel a. Lawngtlai Town chhunga  Bialtu Pastor leh Pro. Pastor awm te leh Bial Chairman leh Secretary ṭheuh, MṬKP Inkhawmpui 2016 Organising Committee O.B te, MJA Lawngtlai District te, LAṬKP hruaitute (2016 & 2019) bakah Town chhunga Bial ṬKP Office Bearers te leh Hospital thawktute an tel bawk a ni.

Pathian hnena Ambulance hlanna hun hi Executive Secretary Lawngtlai Area Rev. R. Lalbiakliana'n a hmang a, Lawngtlai Area ṬKP Coordination Committee  Secretary Rbt. H. Lalrinngheta'n Ambulance lei dan report tlangpui pe in, BCM General Secretary Rev. F. Ramdinmawia bakah Christian Hospital Medical Superintendent Upa Dr. B. Laldinliana leh MṬKP Inkhawmpui 2016 Organising Committee hruaitute aṭangin Rbt. C. Championthanga Chairman-in thutawi an sawi bawk.

MṬKP Inkhawmpui 2016 sum hman bang aṭanga Lawngtlai-in MṬKP Inkhawmpui an thlen hriatrengna atana Ambulance lei a ni ta hi a lawmawm hle a, Lawngtlai leh a chhehvel mipui ten ṭangkai taka an hman ngei a rinawm a ni. Ambulance hlan programme hman zawh hnu hian kalkhawm ten Hospital thawktute buatsaih zanriah tui tak an kilho nghal bawk.

[caption id="attachment_13944" align="aligncenter" width="720"] CHS Ltl.Ambulance thar hlanna Inkhawm[/caption] Reports: Elvist