Tunkar Ningani, October 27,2022 zing dar 10:30 khan BCM Assembly 2022 in a lo phal sak tawh angin Christian Hospital, Serkawn-a hman tur Motor thar Pathian hnena hlanna, BCM Headquarters Office kawt-ah neih a ni a. Motor thar hlanna hunah hian Er. Victor Lalrinawma Sailo chuan Motor thar lei dan report tawi pe-in – Motor man atan Assembly-in a passed chu cheng nuai 11 a ni a. Tuna Motor lei thar hi Bolero B6 model niin Registration tihfelna te nen cheng nuai 10, sing 9, sang 9 leh 705 hman a nih thu a tarlang.
Rev. R. Lalbuiakliana, General Secretary chuan Christian Hospital tana Motor thar tha tak lei a lo ni ta chu lawmawm a tih thu sawiin, Assembly leh Kohhrante hnenah lawmthu a sawi a. A hmangtu tur Christian Hospital aiawh, Upa Dr. Lalramzauva, Director Medical & Health Department hnenah Motor Chahbi hlanin, Director hian Motor hlui chahbi chu General Secretary hnenah a hlan ve nghal bawk. Rev. R. Lalnunzira, AGS – Service-in Pathian hnenah Motor thar hlanin lawmthusawina a neih hnu-ah Christian Hispital lamah dah phei a ni ta a ni.
