August 9, 2025 ( Inrinni ) khan Council of Churches in Mizoram (CCM) buatsaihin Saitual Kohhran Gospel Centenary Hall, Saitual-ah Seminar neih a ni. he hunah hian CCM member kohhrante aṭangin palai 113 an kalkhâwm thei a ni.
Seminar ṭum ngana hi Rev. Dr. R. Lalbiakliana, President, CCM in kaihruai-in Rev. Dr. Lalhmangaiha General Secretary, CCM hnen aṭangin "CCM LO PIANCHHUAH DAN LEH HMALAM THLIRNA," tih a ziak chu zirho a ni.
Chawhma-ah Paper present ngaihthlâk a ni a, hemi hnu hian paper present chungchâng zawhna leh chhanna bakah sawifiahna hun hman a ni bawk.
Chawhnu lamah Rev. PC Lalrinchhuanga, Saitual chhim veng bialtu pastor kaihhruaina in Group - 5 ah an inṭhen a, sawiho tur thupui- pahnih
1) CCM hi kohhran mipuiten kan hriat tlan theih nan eng programme nge siam ţhin ila ṭha ang ?
2) CCM in Common Project a neih tura ṭha eng te nge ni ang ? tihte hmangin sawihona neih a ni.
Group tin aṭangin sawihona a rawtna point hrang hrang an siamte ngaihthlâk zui niin Chairman leh Secretary-ten khaikhâwmna fel tak an siam hnuin programme hi tih tâwp a ni.
Council of Churches in Mizoram ( CCM ) hi 27th Oct. 2024 (Pathianni) khân Mission Veng Presbyterian Kohhran Biak inah din niin tunah hian Member ni lai Kohhran 9 an awm mek a ni.
