Tunkar nilaini, october ni 12 khan BCM Biak in thar, Ebenezer, Zobawk chu General Secretary Rev. R. Lalbiakliana'n a hawng a. Hawnna hun hi biak in pawn ah nei in, General Secretary in a hawn zawh hian Pathian hnena hlanna a nei zui nghal a. Hemi hnu hian Pathian Biak inkhawm neih chhunzawm nghal a ni. Bialtu Pastor Rev. C. Lalbiakzuala'n inkhawm a kaihruai a, Building Treasurer Upa K. Lalthanmawia hnen atangin Biak in sak dan tlangpui reoprt ngaihthlak niin Biak In zau zawng feet 60, a sei zawng feet 90 a nih thu te, biak in sak nan cheng nuai 320 hman a nih thu te leh kohhran din atanga biak in an sak vawi 3-na a nih thu te a tarlang.
Biak thar hawnna inkhawmah hian Tualchhung Kohhran Zaipawl, KNP, BKHP leh BMP zaipawl ten Pathian faka rawngbawlna an nei a, Rev. R. Lalbiakliana hnen atangin Pathianthuchah ngaihthlak a ni. General Secretary bakah hian Biak In hawnna hun hmang hian Headquarters atangin Rev. Dr. Lalsangliana, Editor Baptist Today a tel.
Zan lamah pawh inkhawmna hun hmangin Zobawk North bialtu Pastor Rev. Hrangaia Hmar-in inkhawm kaihruaiin, Bialtu Pastor lo ni tawh Rev. L. Vanlalsanga hnen atangin Pathinthuchah ngaihthlak a ni a, tualchhung kohhran zaipawl leh Zobawk South Pastor Bial Zaipawl ten rawngbawlna an nei. Ebenezer, Zobawk hi 1971-ah din niin, tun dinhmunah chhungkua 216 awm in member 1041 an awm mek a ni.
