October 30, 2023 (Thawhtanni) chawhma dar 11:00 khan Hqrs.Office, Committee Room No.1 ah Education Department Committee Meeting neih a ni a. President - Rev. KV Thanga’n meeting a kaihruai a, AGS-Service Rev. R. Lalnunzira’n Department report tlangpui pe-in, Rev. L. Vanlalsanga, Director Education Department-in zirna in hrang hrang dinhmun a tarlang bawk.
Report atanga a lan dan in- Education Department hnuai ah zirna in HATIM, Baptist Higher Secondary School, BES Serkawn, BES (Extension) Falkawn, Lunglei, BES Zawlnuam, BES Lungpuk, BES Hmawngbu te awmin zirlai zawng zawng 2764 awm in, zirtirtu 203 an awm a, Bial leh Tualchhung Kohhran ten an din, Education Department-in a hriatpui leh tanpuina a pek te School 27 awmin hengah hian zirlai 6047 leh zirtirtu 472 an awm bawk.
Meeting thurel zingah HATIM a thawktu mi 12 confirm tura Assembly-a thlen te, BHSS-a thawktu sawrkara hlawh la te 2024 atanga Sawrkar Pension kuma penson zel tawh tura ruahmanna Assembly-a thlen te, BHSS Office building chhawng chung lama sakbelh tura ruahmanna te, BES Zawlnuam Hostel building sak tura ruahmanna te, Mizoram hmun hrang hranga BES 27 tanpui nana Rs 3180000 sem chhuah te, BES Serkawn Vice Principal atana Pi H. Ramdinthangi ruat a nih thu te a tel a. Kum 2024-2025 atan zirna in hrang hrang Plan leh Budget ruahmanna te thlira pawm a ni bawk.
