July 19-20, 2025 (Inrinni leh Pathiannni) khan ṬKP Electric Pastor Bial Lunglei te chuan plan-a an neih angin Bial Meet leh Sports hun an hmang. July 19, 2025 (Inrinni) chhunah K. Liantawna Hall-ah sports item hrang hrang hmangin inelna an nei a. Zan lamah BCM Biak In, Electric Vengah meet an hmang bawk. July ni 20, 2025 (Pathianni) nilengin meet hi an hmang chhunzawm a ni.
Meet-ah hian Bial OB aṭangin Rbt. Johny Laltlanzauva, Vice President, Rbt. PC. Lalbiakdika, Secretary leh Pu Zohmangaihsanga Chhakchhuak, Treasurer te speaker niin, thupui Chhungril Takna (Sam 51:6) hmangin thuchah ngaihthlak ţhin a ni.
Pathianni zingah MṬKP Vice President, Pu Jeffrey Lalremruata'n MṬKP aiawhin chibai bukna leh MṬKP hmalakna hrang hrangte sawiin hun a hmang a, MṬKP Executive Committee member, Pu Chhangte Zohmangaiha'n a ṭawiawm a ni.
Pathianni chawhnuah MṬKP hmalakna, Rilru hrisel inzirtirna hun hman a ni a, Resource Person atan Bial ṬKP Senior Adviser, Upa Lalmalsawma chu hman a ni.
ṬKP Electric Pastor Bialah hian Unit pali, ṬKP Electric Veng Unit, ṬKP Gosen Unit, ṬKP Farm Veng Unit leh ṬKP Chanmari Vengthlang Unit te an awm a, member 1866 an awm mek. Kuminah hian ‘Aia Upa zah’ inzirtirna neiin hma an la mek bawk a ni.
