ENF Conference-2019 @Serkawn[/caption]
Mizoram Evangelical Nurse Fellowship(ENF) Conference vawi 34-na chu karleh April 5-7, 2019 hian Serkawn-ah neih a ni dawn a. Hemi atan hian a dawltu tur ENF Serkawn Unit pawh nasa takin an inbuatsaih chho mek. He Conference hi Baptist Higher Secondary School, Serkawn Campus ah nghah a ni ang a, Conference thupuiah "Nang malsawmna ni ang che",(Gen 12:2b) niin, Speaker-ah Rev. Lalzuithanga, Bawngkawn a ni ang.
He Conference-ah hia Mizoram hmun hrang hrang atangin mikhual riak lut tur hi 150 -200 vel beisei an ni a. Lunglei tualchhung atanga langa kal nen chuan 250 vel beisei an ni.
April 5(Zirtawpni) Inkhawmpui tan zan-ah Palai lawmna Inkhawm neih a ni ang a, Pi Rozami Reia, Chairman ENF Mizoram-in a kaihruai ang a. Palaite inhmelhriattirna leh Inkhawmpui chungchang inhrilhhriatna te neih a ni ang.
A tuk, April 6, 2019 (Inrini) zing dar 6:00-7:00-ah ENF Executive Committee Meeting neih a ni ang a, chumi zawh dar 7:00-8:00 chhungย Quiet time & Sharing programme a awm bawk ang. Chawhma dar 10:30-12:00 chu Bussiness Session atan hman a ni ang a, ENF Chairman-in he hun hi a kaihruai ang. He hunah hian Report hrang hrang te pharh a ni ang bakah member thi te sunna neih a ni ang, Rorel chhunzawm a ni ang a, chawhnu lamah hruaitu thlanna neih a ni ang.
Inrinni zan dar 6:30-ah Gospel Meeting neih a ni ang a, Inkhawm banah Fellowship a awm leh ang. Pathianni zing-ah Quiet time leh sharing hun nei lehin Chawhma hun leh chawhnu hun pawh Gospel Meeting atan hman a ni ang a, tlai dar 3:30-5:00 ah Bible Study neih a ni bawk ang. Pathinni zanah a hun ngaiah Gospel Meeing nei lehin Inkhawm banah Fellowship programme siam a ni bawk.
See detailed Programme(Photo copy) |
 |
 |
