Tunkar Ningani (October 27, 2022) chawhma dar 11:00 khan Sap Upa leh Pu Buanga Hall, Serkawn-ah Fellowship Department Committee Meeting neih a ni a. Meeting hi Rev. Dr. Zolawma, President, BCM-in a kaihruai a. General Secretary Rev. R. Lalbiakliana bakah Department Director Rev. ZD Rodingliana ten Report khaikhawmna leh Committee member te tana hriat tur pawimawh te an sawifiah a. MBMP, MTKP, MBKHP Secretary leh KNP Promoter ten ziakin report an pe theuh bawk.
MBMP Secretary Rev. H. Lalfakzuala’n BMP reporta a tarlan danin tun dinhmunah BMP member 15,941 awmin, Pastor Bial 77 ah Bial BMP din a ni tawh a, BMP Unit 331 an awm mek bawk. Pastor Bial 15-ah Bial BMP din a la ni lo va, Tualchhung Kohhran 146 ah BMP din a la ni lo bawk. Kumina MBMP Rorel thu bawhzuiin BMP Dinchhan Campaign Aizawl Area, Lawngtlai Area leh Headquarters Area-ah te hawnna neiin Bial leh Unit hrang hrangah bawhzui chhoh mek a ni a, BCM Day vawi 42-na denchhenin Roampum huapin tawngtai rual programme hman a nib awk. Tuihna humhalh leh thingphun inzirtirna chu Bial leh Unit-ah te bawhzui mek a ni a, MBMP Inkhawmpui, 2023 Hnahthial atan inbuatsaihna ngawrh takin kalpui mek a nib awk.
MBKHP Secretary Nl. Lalhmingmawii Chongthu chuan MBKHP hmalakna tlangpui tarlangin Bial ding thar tlawh programme te, Tlawhkhat Bial tlawh chhuah Programme hmang te-in MBKHP hruaitute an feh chhuah thin thu te, MBKHP aiawha Meeting pawimawh hrang hrang – NEICC-WA meeting leh Asia Baptist Women Union buatsaih Youth Womenss’ Leadership Conference-ah te MBKHP aiawh an in tirh theih thu te, BMHKP Rorel 2023 chu Chanmari Pastor Bial -BCM Biak In, Ramthar -ah nghah tura thlan fel a nih thu te, NEICC -WA 14th Bienial Assembly 2023, BCM venglai, Lungleia nghah turah inbuatsaihna kalpui mek a nih thu te a tarlang a. MKHP Plan-a dah angin Mission Field tlawh programme-ah West Bengal Field tlawhin MBKHP hruaitu mi 12 an kal thu a tarlang bawk.
MTKP Secretary Rev. F. Zorinkhuma pawhin MTKP hmalakna report tlangpui pe-in MTKP Rorel-in a passed angin Youth Centre sakna tur buaipui mek a nih thu leh Ram tha tak Zobawkah BCM Biak In hmun atana lei fel sa chu Proerty Department te nen ruahmanna siamin Youth Centre atan ruahman a nih thu te, MTKP hruaitute Pastor Bial hrang hrangah TKP Programme hmanpuia an zin thu te, BYFI Meeting, -ah MTKP Secretary a tel theih tut e tarlan a ni a, MTKP Rorel thu passed bawhzuina hrang hrang te tarlan a nib awk.
KNP Promoter Nl.. K. Lalramthianghlimi pawhin KNP Rawngbawlna report tlangpui pe-in KNP Leaders Trainier tur Lawngtlai, Aizawl leh Headquarters Area atan mi 13 ruat fel an nih thu te, KNP Thuzir 2023 atan Finna dik tih thu thlan fel a nih thu te July 28, 2022 khan KNP Leaders Trainers Meet neih a nih thu te. KNP Triners te leh KNP Prooter ten Bial leh Unit hrang hrangah Programme neiin an zin chhuah thu te a tarlang.
Meetingah hian Annual Plan Acchiefment report te thlirin, Budget 2023-2024 ruahmanna te thlirho a ni a, Siamrem ngaite siamremin Finance Committeeah thlen chhoh tura dah a ni. BCM Planning Commission-in Fellowship Department bawhzui tura a dah zingah Ruihhlo leh sex laka naupang vehim chungchang te, Naupangte hnena Electornic Media hman dan zirtirna neih chungcahng te, Buudget revised dilna te, MBMP President leh Senior Adviser term thar atan thlan thu te, MBMP Rorel-2023-ah Inthlanpui tur ruat thu te bakah KNP Irembawlna khawih thil engemawzat an ngaihtuah a ni.
