
September 1, 2023 (Zirtawpni) khan 'Foundation for Drug-Free, Mizoram' hruaitu mi 10 te chuan BCM Headquarters Office tlawhin General Secretary charge la lai Rev. R. Lalnunzira, AGS – Service leh Department hruaitu ten lo dawngsawngin, Hqrs. Office Committee Room-ah inkawmhona an nei.
Kohhran hruaitute nen-a an inkawmhonaah hian Lunglei lamah FDFM Branch din ve a tha lawm ni tih te, Kohhran ten an mamawh anga Awareness neih leh zirtirtu tur pawh a tul anga an tirh theih thu te, FDFM member leh hruaitute-ah te Kohhran mi leh sa ruat tam a that thu te an sawi hova, kohhran hruaitu te hian an rawngbawlna an phurpui thu sawiin thurawn hrang hrang te pe in inkawhona hun hi an hmang ani.
Foundation for Drug-Free Mizoram hi kum 2019-a din a ni a, Member 881 awm mek in, an pawl-a tel tur hian Life Member atan - Rs 500/- leh Patron member Rs 1000/- pein a zawm theih a. An pawl thil tum ber - Drugs lama la inhnamhnawih lo naupang zînga zirtîrna pêk a ni a, an hmalakna atang hian naupang 12,000 zeti n Drugs ti lo tûra intiamna an neih tawh a ni.