General Secretary-in Chithar Kohhran a tlawh

By Communications Dept.BCM

 

July 14, 2024 Pathianni khan General Secretary Rev. R. Lalbiakliana chu Chithar Kohhran, Vaisam Pastor Bial tlawhin a kal a,  General Secretary hi BCM Choir ten zaia rawngbawlin an tawiawm a, BCM Choir bakah hian Dr.Irene Colbert, Tv. F. Lalrammawia, Production Assistant, Audio Visual leh Pu Lalruatliana Ralte (Driver) ten an tawiawm a ni.

 

Pathianni zing inkhawm-ah thuchah sawiin inkhawm banah Kohhran hruaitute nen inkawmhona an neih hnu-ah Vaisam lamah pheiin Pastor Quarters-ah bial hruaitute leh Kohhran hruaitute nen inkawmhona neiin thingpui inhona an nei a. Tlai lamah Lunglei panin an lo haw leh nghal a ni. BCM Inchhiarna-a a lan danin Chithar Kohhran-ah hian Chhungkaw 44 lawiin, Kohhran member 220 an awm mek a, tunah hian Biak in thar sa mekin, an zo vet ep tawh a, Kohhran an hlimin an phur hle a ni.

 

General Secretary hian Headquarters programme leh Bial leh Tualchhung lam programme tibuai lo va Pathianni hun awl remchang-ah te Kohhran kilkhawr zawk leh tlawh khat zual te a tam thei ang ber tlawh tumin ruahmanna a siam a, chumi bawhzui chuan tun tumah hian langin a feh chhuak a ni.

 

 

Mizoram Baptist Kohhran , Lalnutui Biak In thar Rev. Vanlalmuankima’n a hawng.

Mizoram Baptist Kohhran , Lalnutui Biak In thar Rev. Vanlalmuankima’n a hawng.

October 12, 2024 (Inrinni) chawhma dar 10:30 khan, BCM Biak In, Lalnutui, Lungrang Pastor Bial ami chu Rev. Vanlalmuankima, Director, Pastoral Ministry Department-in a hawng. Biak In hawnna hi Biak In kawtah neiin, Presiding Minister-in ribbon chep chat-a a hawn hnu-ah,  Biak In chhungah lutin Biak In thar Pathian hnena hlanna leh lawmthusawi inkhawm neih chhunzawm a ni. Rev. H. Vanlalvawna, Bialtu Pastor-in Biak In hawn Inkhawm a kaihruai a, Upa M. Ramenfela, (Secretary?) BCM Lalnutui-in Kohhran dinhmun leh Biak In sak dan tlangpui report a pe bawk.  Biak In hawngtu Rev. Vanlalmuankima’n thuchah a sawi a, Lungrang Pastor Bial Zaipawl ten fakna hla an rem bawk. …

Canadian Baptist ministries (CBM) senior Project Coordinator-in BCM R&D a rawn tlawh

Canadian Baptist ministries (CBM) senior Project Coordinator-in BCM R&D a rawn tlawh

October 14, 2024 cham-in Canadian Baptist Ministries (CBM) hotu, Senior Program Coordinator - Pu CP Raju chuan Mizoram Baptist Kohhran, R&D rawngbawlna a rawn tlawh a, R&D Coordinator Rbt Lalrinawma, Asst.Coordinator - Nl. T. Lalfawnveli leh Field Facilitator – Nl. Laldinthari ten lo dawngsawngin, CBM leh BCM Relief & Development Department thawhhona-a Youth skill Develooment Project hnuaia Training centre hrang hrang te an tlawhpui a ni. Project te tlawhpui a nih bakah R&D hotute nen Inkawmhona neih zui a ni a, Project kalpui zel dan tur leh Sustainability Project 2025-2027 atana an duan bawhzui dan tur te sawihona neih a ni.  R&D mikhual pawimawh hi October 16 (Nilaini) khan Lunglei chhuahsan in a hawng leh ta a  ni. …

MBMP Inkhawmpui 2026 Logo tih chhuah a ni ta

MBMP Inkhawmpui 2026 Logo tih chhuah a ni ta

Mizoram  Baptist Mipa Pawl (MBMP) Inkhawmpui 2026 atana Logo tur chu mi hrang hrang hnenah siam tirin Executive Committee chuan an duh an thlang fel ta a, MBMP Inkhawmpui chungchang Official leh Programme hrang hrangah te hman theihin an pho chhuak ta. …