December 9, 2024 (Thawhtanni) chawhnu dar 1:30 khan Higher And Technical Institute, Mizoram (HATIM)-ah Academic Building thar chu Rev. Dr. R. Lalbiakliana, General Secertary chuan hawngin Rev. R. Lalnunzira, AGS-Service-in Pathian hnenah a hlan.

Building hawnna Inkhawm hi Rev. L. Vanlalsanga, BCM Education Directorin a kaihruai a, Er. Upa Victor Lalrinawma Sailo, Property Director-in Building sak dan report tlangpui pe-in, General Secretary-in a hawn hnu-ah AGS Service Pathian hnenah lawmthusawiin a hlan a, HATIM Principal Pu Vuansanga Vanchhawng in kalkhawmte hnenah lawmthusawiin, Rev. H. Lalfakzuala, MBMP Secretary-in malsawm tawngtaiin hun a khar ta a ni.

HATIM Academic Block C hi March 15, 2019 khan hetih laia Associate General Secretary-Service-Rev. R. Zohmingliana’n lungphum phumin sak tan a ni a. Building hi feet 133 leh feet 46 a lian niin, tunah hian chhawng 3 thlen sak zawh a ni a, tun thlenga building sak nana sum sen tawh chu cheng nuai 300 chuang hlek a ni a, he building hi chhawng 6 a sanga sak turin ruahman a ni..