Higher and Technical Institute, Mizoram (HATIM) chuan June 13, 2023 khan kum 2020-2023 Batch zirlaite chawimawina leh thlahna hun, Valedictory Ceremony vawi 14-na a hmang a, Rev. R. Lalnunzira, AGS (Service), BCM chu khuallian a ni. Zirlai nu leh pa leh sawmbik te nen mi 290 chuang he programme-ah hian an tel a ni.

Inkhawm hi Principal Pu Vuansanga vanchhawng-in a kaihruai a, Programme tanna tawngtai (Invocation Prayer) Rev. Dr. Lalzarliana’n a hmang a. Chief Guest Rev. R. Lalnunzira, AGS (Service), BCM in zirlaite fuihna thu a sawiin, HATIM Magazine ‘Dokimos’ a tlangzarh nghal bawk. Zirlai chhuak turte aiawhin Valedictorian Speech Vanlalpekhlui, Dept. of English in a sawi a. Rev. ZD. Rodingliana’n malsawm tawngtaiin inkhawm a khar a ni.

Kumin hian Final Semester (VI Semester) zirlai mi 113 an awm a, Valedictory programme-ah hian chhan hrang hrang avanga tel theilo an awm nual a, mi 85 thlahliam an ni. Valedictory Programme ah hian Award hrang hrang sem a ni a. Zirlai kal chhuak zing atangin discipline tha leh thawkrim bera thlan Lalhlimpuii Pautu, Dept. of Commerce hnenah R. Lalziki Award pek a ni a. Zirlai entawn tlak (overall Excellency Award) hnena hlan thin “HATIM Award” chu Vanlalpeki, Dept. of English hnenah hlan a ni bawk a ni. Tin,  zirlai ti tha te hnena pek thin Proficiency Award chu heng mi pariat te hnenah hian pek an ni bawk.

1. C. Lalrinzuali, Dept. of Commerce

2. Lalbiakhluzuala Samte, Dept. of Computer Sciences

3. R. Lalmuanawma, Dept. of Social Work

4. Vanlalpekhlui, Dept. of English

5. F. Laldinpuii, Dept. of History

6. C. Malsawmtluangi, Dept. of Philosophy

7. Esther Lalawmpuii, Dept. of Education

8. R. Lalremtluangi, Dept. of Psychology

Valedictory Ceremony programme hman zawhah hian kalkhawmte tan ruai buatsaih a ni a, zirlaite leh nu leh pa ten hun hlimawm tak an hmang a ni. 

HATIM ah hian tunah zirlai mi 350, zirtirtu 45 leh non-teaching staff 31 an awm mek bawk a ni. Academic session thar atan admission hawn mek a ni.