Kar hmasa Zirtawp ni, March 22, 2024  khan Higher and Technical Institute, Mizoram (HATIM) chu an Principal Pu Vuansanga Vanchhawng hovin tun hnaia Adopted Village atana an puan thar, Zotuitlang Lunglei District an tlawh a. Zotuitlang-ah hian khawtlang hruaitu, VC te, YMA leh MHIP hruaituten an lo dawngsawng a. VCP leh HATIM Principal te hian thawhhona thu thlung (Memorunduma of Understanding) ziakin an sign a ni. HATIM atangin Principal bakah zirtirtu pathum - Dr Lalhminghlua, Asst Professor, RTC  Lallianzela, Assf Prof, Pu Vanlalruata Kawlni, Sr. Assistant leh thawktu dang pahnih bakah zirlai 18 an kal tel bawk.

India sorkar hian India rama cheng te thingtlang khaw hrang hrang leh khawpui mite inkar zau lutuk leh hmasawnna rualkhai lo lutuk a lo ziaawm theih beiseiin ruahmanna hrang hrang a siam a. Chung zingah chuan  College chin leh a chunglam, University Grant Commission (UGC) in recognition a pek leh  in register te chu thingtlang khua leh khaw hnu fual deuh zing atangin khaw pakhat tal ‘Adopted Villege’ atan thlang chhuakin, chu an khaw thlan chhuah chu hmasawnna kawnga tanpui leh zirtirna te nei tur leh hmasawnna kawng zawhpui tura vil bik turin a phut a. He UGC Norms ang hian HATIM pawhin Zotuitlang chu Adopted Villege atan thlangin Khawtlang hruaitute nen inremna thuthlung hi a siampui ta a ni.

HATIM zirlai te hi Zotuitlangah hian cham chhunzawmin an khaw dinhmun zirchianna (Baseline Survey) an nei nghal a, chhungkaw tinah kalin an chhugkaw dinhmun leh eizawnna te, hriselna lam leh Faina kawnga an inenkawl dan te zir chiangin Questionnaire te siamin an lakhawm leh ang a, chutatang chuan hma lak zel dan tur an la ngaihtuah leh dawn a ni.