April 18, 2023  (Thawhlehni) khan Higher and Technical Institute, Mizoram (HATIM) Department of History chuan World Heritage Day hmangin, History Museum hawnna a nei nghal a. Kumin World Heritage Day thupui-ah hian ‘Heritage Changes’ tih an hmang.

World Heritage Day hmanna hi Lalremtluangi, Assistant Professor-in a kaihruai a, Lalherliana Bunghai, History Dept. VI Semester Zirlai in Pathian hnena inkawltirna a nei a. Hemi zawh hian Pu Vuansanga Vanchhawng, Principal-in  ‘Know Your History – Archaeological Field Study at Vangchhia’ tih lehkhabu a tlangzarh a, Asst.Professor - Dr. Lalhminghlua’n  Vangchhe khua an zin report pe-in,  museum dinchhoh anih dan leh museum a bungrua chi hrang hrang awmte a sawi fiah nghal bawk.  Hemi hnu hian Principal, HATIM chuan History Museum hi a hawng nghal a ni.