August ni 8, 2024 khan Board of Examination (BOE) HATIM bultumin Mizoram University Examination hnuhnung bera college department hrang hrang pariat atanga 8.5 SGPA score pha te leh class topper te hnenah te hnenah lawmpuina pawisa fai Rs. 1000 theuh hlan an ni. He programme in a tum ber chu zirlai tithate chawimawina leh zirlai dangte tana entawn tlak an nih zia pholanna hun siam sak a ni.
He hun hi Samuel Malsawmkima, Convener, Board of Examination (BOE) in a kaihruai a, Principal Pu Vuansanga Vanchhawng leh zirtirtu ten lawmpuina thilpek hi zirlaite hnenah an hlan a ni. Lawmpuina thilpek hi mi 20 in an dawng a ni.
HATIM hi India rama College leh University ṭha leh ṭha lo tehna National Assessment & Accreditation Council (NAAC) inspection hmachhawn turin an inbuatsaih chho mek a. August 12, 2024 khan Self Study Report (SSR) pawh submit fel a ni. NAAC Inspection hmachhawn tur hian Internal Quality Assurance Cell (IQAC) kaihhruaina hnuaiah staff leh zirlaiten theihtawp chhuahin hma an la mek zel a ni.
