Haulawng Pastor Bial chuan Rev. Dr. R. Lalthanmawia, AGS-Mission speaker-a hmangin August 12 & 13 hmang khan BCM Biak In, Haulawng-ah Mission Convention an nei a. Thupui-ah “Ram lah chu lak tur a la tam mai si a” (Joshua 13:1) hman a ni.
Inrinni zan atangin Pathianni zan thleng Pathian Biak Inkhawm neih thin a ni a. Speaker thuchah bakah Kohhran Zaipawl, Group zai leh mimal zaithiam te hnen atang in fakna hla ngaihthlak thin a ni a. Pathianni chawhnuah Mission Focus neiin, Mission Field hrang hrang chanchin leh rawngbawl dan te thlirho a ni a. BCM Mission rawngbawlna report te ngaihtla-in zawhna leh chhanna te, sawihona te neih a ni bawk.
