Headquarters Office, Serkawn-a thawktute chuan June 19, 2023 – Thawhtanni khan BCM ram chhung, Serkawn-ah thing phun hnatlang an thawk a, thing chi hrang hrang 65 an phun. Headquarters Office-a thawk zin leh damlohna avanga chawlh la te tih loh chu an thawk chhuak tha hle a, AGS pahnih Rev. Dr. R. Lalthanmawia leh Rev R. Lalnunzira ten an ho a.
Heng thing tiak te hi Forest Department atanga dawn a ni a, BCM Ram ngaw chhung, Saptui chhak lamah thing lian chi – Ngiau leh Khuangthli bakah thing dang engemawzat phunin, Kawng pui dung remchangah te Thing par chi – April, Tlaizawng leh Fartuah te an phun a ni.
