October 22 Pathianni khan Hrangchalkawn Pastor Bial enkawltu – Bialtu Pastor atana Administrative Committee in a ruat  - Rev. Lalrammuana Poonte lakluhna leh Lawmna Inkhawm, BCM Biak In, Hrangchalkawnah neih a ni a. Rev. Vanlalmuankima, Director, Pastoral Department-in inkhawm a kaihruai a, Hrangchalkawn Bial Secretary-in Bial hruaitute inhmelhriattirna a neih zawhah, Bial Chairman-in Pastor thar lawmluhna a nei bawk. 

Bialtu Pastor thar Rev. Lalrammuana Poonte hnen atangin thutawi sawi leh Rev. R. Lalbiakliana, General Secretary hnen atangin thuchah ngaihthlak a ni a, Hrangchalkawn Bial Zaipawl leh Rahsiveng Pastor Bial Zaipawl ten  fakna hla an rem bawk.

Kan tarlan tawh ang khan Hrangchalkawn pastor Bial viltu Rev. PC Lalsanglura chuan October 11, 2023 khan vanduai thlak takin stroke avangin khawvel a chhuahsan a. A hmun ruak hnawh khat a, lo enkawl turin Administrative Committee chuan Rev. Lalrammuana Poonte, Headquarters Office-a Worship Department a thawk lai chu a ruat lailawk a, October 23 atang khan Bial hi enkawl zui nghalin anmahni in, Serkawn atangin a vil rih dawn a ni.