[caption id="attachment_5410" align="alignright" width="189"] Rev. Lalbiaksanga Chinzah
BCM President (2018-2019)[/caption]

President hovin Fa neih tam campaign: Rev. Lalbiaksanga Chinzah, BCPresident leh Rev. Lalramngheta Chhangte-Finance Director, Rev K Lalbiakenga, Organiser PAC leh  Rev. ZD Rodingliana, Bialtu pastor Chanmari te chu February 10, 2019 (Pathiani) hmang hian Hnahthial 'S' Pastor Bial-ah an feh chhuak dawn.

Pathianni zing inkhawm hi Biak In hrang hrangah insem darhin President hian Peniel Kohhranah hun a hmang ang a, Rev. Lalramngheta Chhangte-in Lungleng Kohhran-ah, Rev. K. Lalbiakenga-Chanmari-ah, Rev. ZD Rodingliana'n Model Kohhran-ah te hun an hmang ang.

Chawhnu lamah Hnahthial 'S' Pastor Bial TKP huapin fa neih tam inzirtirna Seminar BCM Peniel Biak in-ah neih a ni ang a. Hemi hun chhung vek hian BCM President hovin Hnahthiala Pastor Bial pathum Kohhran hruaitute nen inkawmkhawmna an nei thung ang

Zan lamah Zobawk Bial rawn tlawh haw-in President hian Horeb Kohhranah hun a hmang ang a, Rev. Lalramngheta Chhangte-in Zobawk Bazar-ah, Rev. ZD Rodingliana'n Trinity Kohhranah hun a chang thung ang.

General Secretary:

Rev. F. Ramdinmawia, General Secretary chu Pathianni zing-ah Pro.Pastor Induction Service, BCM Moria, Rahsiveng-ah Presiding Minister niin hun a hmang ang a, Pathianni zanah Lunglei Chanmari-ah BCM Choir Music Video Album a Release ang. February 23-24 hian BCM Shillong Biak In thar hawng turin a kal leh ang.

      AGS i/c Mission: 

Rev. Dr. C. Vanlaldika, AGS i/c Mission chu February 1-3 chhunga Jampui Sakhan Baptist    Association buatsaihin Vanghmun (Tripura)-ah Mission Seminar leh Sunday School Training a neihpui hnuah Tripura Field Missionary Training February 4-7 khan a neihpui leh a, February 7-10 hian Adi Baptist Union Inkhawmpui, Pasighat, Aruncahal 'E' Field-ah Speaker niin a cham mek a, February 12,2019-ah Serkawn lo thleng leh hman tura beisei a ni. Karleh hian MTKP Inkhawmpui-Tlabungah Inkhawmpui tan zan, February 14-ah thuchah sawi turin a kal leh nghal.

   

AGS Service:

Rev. R. Zohmingliana chu Rabha Baptist Union Diamond Jubilee February 1-3 chhunga Debitola-a an neiah BCM aiawhin a kal a. Hemi zawh hian Guwahati-ah ama taksa lam check-upin a cham a, Prescription leh Treatment a zirin kaleh lamah Pastoral Committee nang hman tura lo haw hman a tum ang.

        Mission Co-ordinator

Rev.B. Lalrinawma, Mission Coordinator chu February ni 4-ah Lunglei chhuahsanin ni 6-ah Native Workers Training, Patkijuli-ah a neihpui hnuah, February 9-10 chhung hian Dibru-Sadhya Baptist Association Inkhawmpui a hmanpui leh mek. February ni 12-ah Lunglei a lo thleng leh tura beisei a ni.

        Worship & Music Director: [caption id="attachment_13037" align="alignright" width="113"] Rev. KV Thanga[/caption]

Rev. KV Thanga, Worship & Music Director  leh FOD Director ni bawk chuan Pathianni zan hian Chanmari, Lungleiah BCM Choir Music Video tlangzarh inkhawmah thuchah a sawi ang a. Karleh February 14-17, 2019 ah MTKP Inkhawmpui Tlabungah kalin February 15 (Zirtawp) zanah thuchah a sawi ang.

          Director BCM R&D:

Pu Lalrinawma, Director BCM Relief & Development Department chu February 7-a CASA National Board Meeting New Delhi-a neihah Board member a nihna angin a tel a. He hunah hian India rama Christiante hmabak leh MP election lo awm tur chungchang te, Citizenship Amendment Bill 2016 chungchang te sawiin Kristian ten kan hmachhawn dan tur te an sawiho a ni. Pu Marina hi CASA Project Screening Committee member atan thlan a ni a, BCM mi leh sa hetiang dinhmuna a ding thei hi a chhuanawm hle.

  MTKP Organiser: [caption id="attachment_10173" align="alignright" width="146"] Rev Lianchhunga Khiangte[/caption]

MTKP Organiser, Rev. Lianchhunga Khiangte chu MTKP Inkhawmpui 2019 atan inbuatsaihin Office lam a thutchilh deuh rih a. Karleh-a MTKP Inkhawmpui thlenkim ni khalh turin February 13, 2019 hian MTKP Committee member thenkhat te nen Tlabung an pan ang. Pu Lianchhunga hian Inkhawmpui tawn zan, February 17 (Pathianni zan), Palai thlahna zanah thuchah a sawi ang.