General Secretary lo haw mek
Serampore Council Meeting leh Working Committee Meeting -a kal, Rev. F. Ramdinmawia, General Secretary chu Meeting te tluang taka an neih hnuin vawiin, March 21,2019 hian Kolkota atangin a lo haw chho mek a, naktuk hian Headquarters lo thleng hman tura beisei a ni.
 AGS i/c Service :
Rev. R. Zohmingliana, Asociate General Secretry, i/c Service chu March 20&21 chhunga BCM Recognised English Medium School Principals Training buatsaiha hun a hman hnu-ah vawiin tlai hian Baptist English School, Haulawng tlawh turin a chhuak a, Naktuk, March 22-ah Lungpuk-ah kalin , BCM Primary School a tlawh leh nghal ang. |
 AGS i/c Mission
Rev. Dr. C. Vanlaldika, AGS i/c Mission chu karleh, March 27-31, 2019 chhung hian North India Mission, Native Workers Retreat-ah Speaker turiun Delhi ah a kal ang a, hemi pah hian North India Mission Field-a kan rawngbawlna hmun te tlawhin a en nghal ang. |
 LIKBK-Assembly-ah palai
Rev. V. Vanlalachhunga, Pastor Coordinator leh Upa CK Mawia, Zotlang teย chu March 20-24, 2019 chhunga Lairam Isua Krista Baptist Kohhran (LIKBK) Assembly, Lawngtlai bazar-a neih mekah BCM aiawhin an palai a, karleh thawhtan hian an lo haw leh ang. |
 Mission Coordinator:
Rev.B.Lalrinawma, Mission Coordinator chu Arakan Field tlawhin a thang mek a. Nimin, march 20 khan Zokhawthar atangin Tahan ah chhovin vawiin-ah Tahan atangin Arakan lamah a lut thla ang. Arakan -ah hian Missionary chhungkaw pahnih an awm mek a, Quarter sak dan tur leh hmalak zel dan tur te a zu enpui dawn a ni. Mission Coordinator hi a tum anga a kal tluang a nih chuan March 29-ah lo thleng leh tura beisei a ni.ย ย A thurualpui Pu Vanlalruata Kawlni, AV Manager erawh chu permission a hmuh theih tak loh avangin Zokhawthar atangin a lo let leh thung a ni. |
|
Rev, KV Thanga, Director Worship & Music Dept. chuan tunkar thwhlehni, March 19, 2019 khan Chhacwmdawlna In, Melte-ah Worship Training a neihpui a, chawhnu lamah Chhawmawlna In, melte a hman tur Bolero Camper thar Pathian hnenah a hlan nghal bawk. Rev. KV Thanga hian tun Pathianni lo awm turah hian Sethlun Kohhran-ah hun a hmang leh ang. |
 Mission Promoter :
Upa HL Liantluanga, Mission Promoter chu tunkar Zirtawp zan atanga Pathianni zan thleng hian Tawipui North Pastor Bial buatsaih, Ramthim Inkhawmpui, Tawipui North-I a neih turah Speaker turin a kal dawn a. He Inkhawmpui thupui tur chu "Lithuk lam pan rawh" Luka 5;4 a ni ang. |
|
|
 Editor, Baptist Today :
Upa K. Lalnuntluanga, Editor, Baptist Today chu tunkar thawhleh zan atang khan Lungsen-ah Ruihhlongai pual Camp neihpuiin a thang mek a, Pathiani-ah Follow-up Programme hmanpuiin Thawhtan-ah a lo haw hman beisei a ni. |
