India Missions Association buatsaihin Zarkawt Prebyterian Kohhan Biak-inah-ah Global Mission Summit – 2024 chu June 11, 2024(Thawhlehni) zan atang khan neih tan a ni a. Summit thupuiah II Korinth 10:16 thu “ in ram piah lamah pawh Chanchin แนฌha chu kan la hril zêl ang” tih thu hman a ni. He Summit ah hian Mizoram Baptist Kohhran aiawhin AGS-Mission - Rev. Dr. R. Lalthanmawia leh Mission Director Rev. Lalremsiama Ralte te an tel a, IMA Committee member ni lai Pastor te leh Kohhran Upa engemawzat an tel bawk a ni. Global Mission Summit hi June 14, 2024 (Zirtawp) zah an tiak ang.
Summit Hawnna Inkhawm (Inaugural Service) hi June 11, 2024 (Thawhlehni) zan khan Vanapa Hall-ah neih a ni a. Khuallian-ah Mizoram Chief Minister Pu Lalduhawma hman a ni. Rev. R. Vanlalnghaka, Moderator, Mizoram Synod-in hunserh a hmang a, Rev. Dr. K. Lallawmzuala’n chuan palaite inhmelhriattirna neiin, Khuallian bakah Rev. Andrew Semp, Chairman, IMA te, Rev. Dr. Isaac Soundaraja, General Secretary, IMA ten thu an sawi bawk. Thusawi hrang hang bakah Synod Mission Choir, TBZ Choir, The Leprosy Mission Choir leh Aizawl Area Baptist Choir ten fakna hla an rem a, Art & Culture Dept.-in Cultural Item Cheraw leh Khual lam leh Chai te an entir bawk.
Global Mission Summit-ah hian India ram leh Khawvel hmun hrang hrang-a Chanchin Tha la thlen lohnaah te rawngbawlna zauh zel dan tur te, Kohhran Pawl hrang hang te thawhhona leh inpumkhatna lam te zir hovin, mithiam te Paper zirhona leh sawihona te neih thin a ni.
India Missions Association hi kum 1977-a din a ni a. India rama mission pawl hrang hrangte inthlunzawmna niin, Mission rawngbawlna-ah kawng hrang hrangin an thawkho mek a ni.
